2019 жылдың 3-6 мамыры күндері Ақмола облысы Бурабай ауданы Щучинск қаласында «Жақсы» спорт кешенінде 6 -18 жас аралығындағы әртүрлі категориялы ерекше балалар арасында паракаратэ бойынша (жеке катадан) «BURABAY OPEN» ашық Республикалық турнирі өтті
Турнир мақсаты: WKF каратэ Олимпиадалық спорт түрін насихаттау және дамыту; салауатты өмір салтын насихаттау; әртүрлі клуб спортшылары мен тренерлері арасындағы достық байланысты нығайту.
Турнирге Омбы, Нұр-Сұлтан, Алматы, Жаңаөзен, Қарағанды, Арқалық, Қапшағай, Көкшетау, Щучинск қалаларынан, Астрахан, Целиноград аудандарынан командалар мен клубтар қатысты. Осы турнирде Астрахан «№15 психологиялық-педагогикалық түзету кабинеті» КММ басшысы А.Ж. Кусаинова және нұсқаушысы Г.А. Кусаинованың жетекшілігімен тәрбиеленуші Төремұрат Қарлығаш церебральды шалдығу (ДЦП)ерекше балалар арасында жеке ката бойынша ойынға қатысып, жүлделі 1 орынға ие болды.
«№15 ППТК» ұжымы Төремұрат Қарлығашты және ОДТ (оңалту дене тәрбиесі) нұсқаушысы Кусаинова Гүлжихан Абдувахабқызын елеулі жеңістерімен құттықтайды.